Traditional Recipe at Home - Til aur Khoye ke Swaadisht Laddu

 1- Overview -  sardiyon ki shuruat hote he meetha khane ka man krne lag jata hai ar phir agar meethe me til aur khoye ke bane swaadisht laddu mil jaye ar wo bhi ghar ke bane hue to maja he aa jaye, Wese to til ke laddu hum makar sankraanti per khate hai per mai ye laddu ghar khud se he banati hu to sardiyaan shuru hote he bana leti hu family ki demand hoti hai, aur ye laddu humare sharir ke liye bhi kafi healthy hote hai , to phir ye aaj mai apko apne banaye hue til ke laddu ki recipe share krti hu jo ki kafi aasan hai.

2- Ingredients -

“ apko in Swaadisht laddu ko banane ke liye bas 5 cheezon ki  zarurat hai”

• Safed til ( Sesame seeds): 250g ( 2-3 minutes low flame per roast krle
•   ⁠Desi Khand ( brown sugar) 200g ye healthy bhi hai ar swaad bhi achha ata hai , (agar apko meetha jyada pasand hai to sugar 250g le)   

•  ⁠Shuddh Desi Ghee - 2 table spoon isse laddu soft rahenge aur laddu me chamak bhi aayegi 

•  ⁠Mawa ( khoya) 250g , Jitne hum til ka use karege same utna he mawa use krege isse laddu ka swaad ar bhi bhad jayega ar bhi soft rahenge 

•       ⁠Kaju ( cashews) ye hum laddu ready krne ke baad laddu ke upr lagayege jisse laddu dikhne me bhi sunder lagege ar healthy bhi ho jayege.

 Laddu banne ka tarika -

" Chaliye phir laddu banane start karte hai "

1. Til Bhunna ( Roasting) sabse pahle hum ek bhaari kadhai lenge ar usme til daalkar low flame per bhunenge . Jab til ka rang thoda sunehra lagne lage to gas off krege ar til kadhai se nikal kr kisi khule bartan me daalkar thanda hone ke liye rakh de.
2. ⁠Mawa (Khoya) ab hum usi kadhai me mawa daal kar thoda melt krege ye 3-4 minutes me he mawa melt ho jayega ar ise bhi thoda thand hone ke liye plate me nikal kr rkhege .
3. ⁠Mixing: Gas ab band kare aur roast kiye hue til ar mawa dono ko mix kare ar desi khand bhi achhe se milaye .
4. ⁠Laddu Shape: Mixture ko bilkul thanda nhi karna hai halka gunguna rakhe ab hatheli per thoda thoda mixture rakh kr gol gol laddu banaye ar sabhi laddu ke upr ek ek kaju lagaye, normally laddu gol gol he banaye jate hai per mene thoda alag shape me bnaye hai laddu aap bhi ase he try kare swaad ke sath sath dikhne me bhi achhe lagte hai.

 * Conclusion:

   "Sabhi laddu bankar taiyar ho gaye hai ye laddu apko sardiyon me immunity Bhadane me madad krte hai ar specially agr apko kamar me dard rahta hai to usme bhi  aaram milega in laddu ko aap air tite dibbe me store krke mahino tak rakh sakte hain. Ise aap apne ghar per banaye ar parivar ke sath beth kar enjoy karke khaye".

Special Tip: Jab tak til ar mawa jyada garm ho to usme sugar add na kare wrna mixture kafi patla ho jayega ar humare laddu bind sahi se nahi ho Payege thoda normal hone per he sugar add kare.

“ jab ap ye recipe try kare to experience share karna na bhule” Enjoy!!! Thank you  😊😊